Fâriğ olmam eylesen yüz bin cefâ sevdim seni

Fâriğ olmam eylesen yüz bin cefâ sevdim seni
Böyle yazmış alnıma kilk-i kazâ sevdim seni
Ben bu sözden dönmezem devr eyledikçe nüh felek
Şâhid olsun aşkıma arz u semâ sevdim seni

Bend-i peyvend-i dilim ebrû-yı gaddârındadır
Rişte-i cem’iyyetim zülf-i siyeh-kârındadır
Hastayım ümmîd-i sıhhat çeşm-i bîmârındadır
Bir devâsız derde oldum mübtelâ sevdim seni

Ey hilâl-ebrû dilin meyli sanadır doğrusu
Sûy-i mihrâba nigâhım kec-edâdır doğrusu
Râ kaşından inhirâf etsem riyâdır doğrusu
Yâ savâb olmuş veya olmuş hatâ sevdim seni

Bî-gubârım hasret-i hattınla hâk olsam yine
Sıhhatim rûh-i lebindendir helâk olsam yine
Tîğ-i gamzenden kesilmem çâk çâk olsam yine
Hâsılı beyhûde cevr etme bana sevdim seni

Gâlib-i dîvâneyim Ferhâd u Mecnûn’a salâ
Yüz çevirmem olsa dünya bir yana ben bir yana
Şem’ine pervâneyim pervâ ne lâzımdır bana
Anlasın bîgâne bilsin âşinâ sevdim seni

Şeyh Galip

Benzer yazılar

• BİR SÖZÜM VAR
• Efendimsin cihânda i’tibârım varsa sendendir
• FATİH HAN ŞİİRİ
• Cânı mı var kimsenün eyleye cânân ile bahs
• Eyâ peri nicesin hoş musun safâca mısın
• Bir dil mi kalmışdur bu tîr-i gamzeden kan olmamış
• Ey fitnesi çok kavli yalan yandum elünden
• Ölme gönül firaak ile Îsâ-nefes gelür
• Dem-be-dem seyl-âb-veş eşk-i revânum çağlar
• Adû-yi zâg elinden bir tezerv-i şive-kâr aldum